انا ما اخطيت في حقك

انا ما اخطيت في حقك ولكن الكلام عتاب
اعاتب والعتب كلمه تفسرها معانيها
كلمه يستحي منها لساني يبتدي فيها
واذا انت من العتب تزعل علينا وابتصك الباب
ترى مانييب قاصدها ولأني فيك ناويها
ولا ودي على الفرقا وقلبي داخلي مرتاب
اشوف ان الهوى خدعهواشوف القلب راضيها
واشوف ان الهوى فرقا مواليف وعناد احباب
واشوف ان الجفا خطوه ولأني قادر اخطيها
وقلبي لو عشق يخلص ولو طالت عليه ارقاب
وتشهد له دروب الحب حاضرها وماضيها
عشقنا والهوى حسره مشينا ولا امل كذاب
بدينا نبني منها قليل من بلاويها
عرفت الحب من عمري صغير بالغرام وشاب
وقلبي للحبيب اكبر من الدنيا ومافيها
صحيح اني نويت ابعد ولكن الهوى غلاب
وهي رحله بديت بها ولا ادري كيف بنهيها
تحريتك شروق الشمس وشفتك للشروق غياب
ولا اضنك تبيع العشره الي كنت شاريها
بقى لي بالهوى نظره وتغريبه ودمع اهداب
وقصه بترك لسانك على العذال يرويها
واناجي باقي حروفي وبألف للفراق كتاب
قصايد تملي اوراقي ارددها واغنيها
واذا مرتني الذكرى وجرحي بالحشا ماطاب
بتبعدني وتدنيني وببعدها وابدنيها
وانا عيب علي اشكي من الدنيا بدون اسباب
مدامي ماخذ منها يجيني يوم واعطيها

عندما ارى قلمك مر من هنا
يشعر قلمي بالفخر الاعتزاز
لمن رد عليه
كل الشكر لك اختي د يمان