مواقف طريفة !

[center]

نعيش هذه الحياة فيصيبنا ما يصيبنا من مواقف

وكثيرا ما نسمع بالطرافة في بعض المواقف

أتمنى لو يذكر بعض هذه المواقف الطريفة

بانتظار مواقفكم الطريفة

ابدا انا بشي حصل امامي وليش معي بل كان مع اختي

كنا بيوم في مطر وريح ماشيين ليله العيد الكبير السنه الماضيه وبهالمناسبه كل عااااام وانتم بخير اخواني واعزاءي الاعضاء

وينعاد عليكم يارب بالصحه واليمن والبركات

المهم نرجع لهالطرفه الي ظليت اضحك عليها اسبوع كامل ويمكن اكتر

المهم اختي ياويلي وهي ماشيه فرحانه ومشتريه ملابس كتير ولسه بتحكي اول يوم راح البس بالعيد هاي الشغله وبدها توريني اللبسه داخل الكيس


الا ياحرام تزحلقت بقشره موزه الله يسامحه يلي راميهااااا ووقعت علي ظهرها كانها نايمه وبتحكيلي امسكيني بدي قوم هههههههههه

وانا طبعا فرطانه ضحك يمكن لو مسكتها حقع معها وبالاخر قامت مبلله ومليانه غبره وماعرف شو وبتطلع فيه مستغربه ضحكي

ولسه يادوب خطينا كم خطوه الا كانوا لامحينها شابين لمن وقعت بس اقتربوا منا صاروا يضحكوا ويحكووووا هي جززاه الي تلبس الكعب العالي

ههههههههههههههههههههههههههههههههههههه ومن حرتها ماشفتا غير كان بايدها قضر بزر رمته علهم


جد هاي دكرتني فيها محمد هالطرفه والله ورجعت فكرتها وهلا رجعنا نضحك تاني

هههههههههههههه

موقف حلو كتير هناء ، ومتل ما بيقول المتل : شر البلية ما يضحك

موقف حصل لي أنا :

دخلت الجامعة بدي سجل مستجد ، شفت بنت ماشية ظهرها الي ، ندهتلها بدي اسألها

مبين عليها حلوة ، د جسمها سمبتيك ، داارت وجهها علي تفاجئت ، انصدمت وقتها ،

رحت حكيت لاصدقائي ، فرطو من الضحك علي

هلق انا مرة من المرات كنت بالضيعة والدنيا شتوية ومطر وماشي انا عالشارع وزخ مطر بجية سيارة قمت قلت لاطلع على الرصيف
مشان ما نتطرش بالمية الوسخة ومنها بتدارى من المطر وقفت تحت شمسية محل وعينكم ما تشوف الا الخير واني موقف تحت مزراب صطح المحل
{يعني من تحت الدلف لتحت المزراب } وفوق هذا كلة ابن الحلا شوفير السيارة ما هدا من سرعتوا ويا شباب صرت كلني طين من فوق لتحت حتى شغلت ايدي مساحات لعيوني لحتى قدرت روح الطين من عليهم .

ههههههههههه

حلو كتير نور ، محظوظ كتير بالمي شكلك

بشكرك كتير