قلب طيب بس مافي حظ؟؟؟؟

كان طيـــبي عيب ومشكلتـــي اوفيت ... أموت صادق وارفــض أعيش كذاب

يالليل ماذكر في حياتي تمنيت ... مثل ابتسامه تنتشل قلب منصاب

مليت ورب البيت يالليل مليت ... من الجروح اللي تجيني بلا اسباب

تدري يالليل اني على الجرح غنيت ... غنيت دمعه والصدى ضم الاهداب

اريد الحقيقة والصراحة ترجيت ... فرحة ولكن الزمن بالعطا خاب

يالليل قلي بدنيتي وايه سويت ... حتى الهموم بداخلي تفتح ابواب

أن كان طيبي عيب ومشكلتي اوفيت ... أموت صادق وارفض اعيش كذاب

طبعي كذا من ميزتي ماتخليت ... عندي مبادئ دونها ترخص ارقاب

بيني وبينك ياكثر ماتعنيت ... اركض بغرفة مغلقة مالها باب

غرفة وراها فرحتي دونها جيت ... اركانها عتمة ولاحولي احباب

كاس الفراق المر منة تقهويت ... انا اشهد أن الشوق بالليل غلاب

يالليل انا لاشفت ماعفت قفيت ... اقفي ولو خلفي كثيرين الاصحاب

الا جروحي كل مارحت واقفيت ... جتني تحمل صدتي لوم وعتاب

ماذكر ولو مرة بحياتي تهنيت ... اضحك كذا والصدق عن شفتي غاب

صارت دموعي ضيف وعيوني البيت ... ودايم تشوف من المناديل ترحاب

لاشفت شمس الصبح لايديك حنيت ... وفي داخلك حبر القلم بالشقى ذاب

اسريك بحالتي واذا رحت ونيت ... مااريد تروح ودمعتي بين الاهداب

اكتب شعوري في ظلامك على ايت ... ونورك ختم قصة عذابي في اب

يالليل قل للصبح اني تمنيت

... بس ابتسامه تنتشل قلب منصاب

سلامتك سلامتك اخت شذى
والله قصيدة بتحرق الصخر ليش هالزعل كله
اشكرك جزيل الشكر كلمات اكثر من رائعة وطرح جميل
تقبلي مروري وتحياتي

سلمت يداكي يا غاليه على ما خطه لنا قلمك
خلي عندك تفاؤل بالحياه
وانظري للدنيا بنظره الحب
الفراق مش اخر الحياه
بالعكس الفراق هو درس من دروس الحياه

تقبلي مروري

اشكرك ابوحيدر

واشكرك حبيبتي يمان

كل الورود لكم على مروركم

وعلى مداخلتكم الجميلة والرائعة

شكرا

============================