(( يوميات فتاة عربجية وبنت دلوعة ))

نبدأ بالدلوعة..


طبعا وهي نايمة الدبدوبي والغزولي والأرنوبي كلهم في حظنها <<<< يقالها مشاعر فياضية ..
وإذا قامت من النوم ما تقوم إلا الساعة وحدة الظهر لا وبعد اللي يصحيها الشغالة << تقومها بالإنجليزي..

بس أنا راح أترجمه لكم.. يلله يا مرام قوم ماما في قول قوم <<<< يمديكم على الترجمة..
هي تقول أوكي وتجي أمها تصحيها مرة ثانية يا مرام حبيبتي أصحي .. ترد مرايم.. ماما والله بدري الساعة وحدة الظهر بدرررري<<< تدلع هي ووجهه ..

قامت البنت من السرير وفتحت الستارة والشبابيك علشان الغرفة تنفس ..<< ياااااااااي عالرقة..
وشغلة موسيقى رومنسية عشان تروق بنت الحلال وراحت تاخذ حمام محترم وبعد ما تطلع من الحمام وررررررر على المراية تحط من هالكريمات والدعافيس على وجهها..
تعرفون لازم تحافظ على البشرة ، خلصت من المراية تروح للاستشوار وش .. وش .. وش..وش
لحووول ساعتين عالزالله اللي اندمرت الشوشه ..
خلصت منه ودقت البنطلون الجينز والبلوزة <<< هي لبست على الموضة بس ماني قايل ..
ونزلت تحت تفطر على كاس عصير برتقال..<<<ياااي مسوية رجيم..

*****************************

نجي للعربجية<<< أمووت أنا بالعفاشة..

تقوم الساعة 8 الصبح وهي ماودها تقوم.. وجت أمها.. ياااااااااااسوير قومي يامال العمى..
لحووووووووول زيييين زييين <<<<قاموا أهل الحارة معها ..
بس لو تشوفون شكلها وهي نيمه كراع هنا وكراع هناك..
لا وكل ثلاث ساعات طايحة من السرير <<< شايفة لها تفحيط يخوف ..
يجي أخوها حميد <<< هو أسمه محمد بس الدلع حميد..
ويقومها مرة ثانية ياااا سوير قومي تقول أمي قومي الله ياخذ هالراس ..
ترد سوير.. أقول أطلع ولا صكيتك على جبهتك <<< ..
ويجي مناحي أخوها الكبير..سوير وجعععع ويعطيها ذيك الرفسة اللي خلت عظامها تهلهل<<..
وبعد تلك الرفسة العنيفة..فزت فزة لا يعلمها إلا الله وقالها مناحي.. قومي صلحي فطور عشر دقايق الا وهو قاضي زييين ..
شوفي أبي قرص وخبز مسح << يعني خبز على الحديدة..
وقامت بعد جهد جهيد وبعد شتم ..

********************************


نرجع للدلوعة وااااااااااااااااااي<<<انكسر ظفرها..

هذي ما تتغدى الا الساعة 3 ولا 5 لا وتتغدى رز أبيض مسلوق وسلطة <<< تحافظ على الرشاقة..


***************
العربجية..

تتغدى الساعة 12 بالضبط ولا تغدى الا على كبسة إذا خلصت كاس لبن المراعي متولم تشربه شربه وحدة يعني مافيه مجال للتنفس ..

*****************************
الدلوعة..

طلعتها تكون بعد صلاة المغرب <<<<<< ما تطلع في العصر عشان البشرة ..

**************************
العربجية..

تطلع الساعة 2 القايلة تطقها رجل لبيت خوالها الين تنقلب خبز أسمر ..

*************************
الدلوعة..
تروح للفيصلية ولا المملكة وقبل ما تروح السوق تمر المشغل عشان تحط ميك أب سوق <<< مكياج سوق ..

*****************************
العربجية..

تروح لسوق النسيم عشان تلقى العرابجة اللي مثلها ..

******************
الدلوعة..
إذا بتطلع تطلع مع يارا ولارا << وخيارا >>> ورولا ومايا <<< رووح يالموضة..

********************
العربجية..
تطلع مع بنات خالاتها وضحى ونمشى وشقحى ومزنة ومنيرة..<<<< عاش التراث ..

********************
الدلوعة..
لاجت تضحك .. ههههههههه..

********************
العربجية..
اذا جات تضحك تضحك كذا : هع هع هع هع هع هع .. الحمد لله والشكر تقول بالعتن لها بعير واذا جات تمزح مع حميد اخوها اعطته كف حلاقة ، يعني كف قوي على رقبته <<<على بالها تمون


************************
الدلوعة..
اذا تحب تسمع اغاني ما تسمع عربي خلقة ماتسمع الا ريكي مارتن طبعاا لأنه حلووووووو وممثلها المفضل .. وتوم كروز لوسامته وميل جبسون وجيم كاري لخفة دمهم واحلى ممثلة عندها جوليا روبرتس..

**************************
العربجية..

الاغاني اللي تسمعها خلف بن هذال وحجاب بن نحيت وبشير حمد شنان وعيسى الاحسائي<<اموت انا على الفن ..

*************************
الدلوعة..
لما تتفرج على التلفزيون تجلس على الكنب وتحط رجل على رجل وتبتسم لأن الابتسامة تضفي بشاشة على الوجه..

*********************
العربجية..
لا جات تناظر التلفزيون تشوف غصب واحد وغصب اثنين .. وتجلس على الأرض وتحط المركا وراها
والكراعين على التلفزيون وان زهقت من القناة الاولى دقت التلفزيون بإصبع رجلها وحطت على القناة الثانية..

********************
الدلوعة..
اذا تبي تحلم احلام اليقظة طلعت برىىىىىى في الحديقة حقت بيتهم وجلست على الكرسي الهزاز وقام الكرسي يروح ويجي <<مندمجة بقووووة..

*********************
العربجية..
اذا جات تجلم احلام اليقظة طلعت برى في حوشهم وفرشت البساط ((ابو خمس طعش اللي مخطط بأحمر وازرق <<عرفتوه
وتكت على المركا وقعدت تفكر..

شكرالمرورك يمان