تحليل

عينة بول ..




مرة واحد كان ماشي بهالشارع وداس على قشرة موزة .. وراح فيها زق مرتب على ايده



فصار كوعه يوجعه .. راح لأقرب دكتور .. ولما دخل العيادة .. الممرضة قالت له : عايزين عينة بول ..



هو استغرب وقال: معقول .. شو دخل هي بهي؟؟ .. مشان شو يعني؟؟ .. أنا كوعي مخلوع ..



الممرضة قالت : تسطفل .. هاد النظام .. إذا في عينة بول ممكن تدخل للدكتور .. مافي بول مافي دكتور..



الزلمة ضرب أخماس بأسداس وانحرق حريشه .. وسلم أمره للّه .. وقال: خلص مافي مشكلة ..



وبعد شوي طلع الدكتور مبتسم وقال: واضح انه الضربة قوية .. بس اطمن .. كوعك سليم مو مخلوع ..



المريض اتعقد .. وقال : طيب من وين عرفت انه كوعي هو اللي عم يوجعني؟؟ أكيد الممرضة قالتلك..



الدكتور : لا أبداً.. تحليل البول ه اللي بين كل شي .. أنا عندي جهاز جديد لتحليل البول بالكمبيوتر



بينعرف منه كل شي عن حلتك الصحية .. خود هلأ هالمرهم ادهن منه ..



وبعد أسبوع .. راجعني .. ولاتنسى تجيب عينة البول معك ..



هادا راح عالبيت محروق حريشه عالآخر .. وضاربة فيوزاته .. وحكى للعيلة عن



اللي صار .. وقعدوا يضحكوا على نصب الدكاترة هالأيام .. قال شو ..



تحليل بول بالكمبيوتر .. شوف على هالسلبة .. شوف





بعد أسبوع كوعه خف تمام .. وقرر يروح للدكتور ... بس ابنه اقترح عليه يعمل



مقلب بهالدكتور مشان يكشف احتياله ونصبه.. حاجته يسلبها على خلق الله ..



من وين جايب هالنهفة.. تحليل بول بالكمبيوتر ..



قام الابن أخد عينة من بوله على عينة من بول أخته على عينة من بول أبوه حط عليهم شوية من زيت السيارة ..



وقال خلينا نشوف هالنصاب شو بدو يقول ...



أخد الأب هالخلطة العجيبة وراح للدكتور ووقت دخل عطاها للممرضة .. وقعد



ينتظر .. وبعد شي نص ساعة طلع



الكتور عرقان وماسك ورقة طويلة (نتيجة التحليل)...



قام سأله بطريقة ساخرة .. ها ها .. شو لقيت يا دكتور التحليل ؟؟؟



الدكتور : شوف .. هو واضح انه كوعك صار تمام .. بس في شوية نتائج غريبة ..



ابنك مدمن هيرويين .. وبنتك حامل .. ومحرك سيارتك لازمله تبديل جوان الكولاس

ههههههههههههههههههههههههههه
والله قصه مشوقه
مشكور كتير اخي

هههههههههه حلوة كثير والله
يسلمو ايديك فلسطيني
وتقبل مروري

هههههههههههههههههههههه
مشكور اخي فلسطيني
بس وين الاخت
تقبل مروري

اشكر مروركم الذي انار موضوعي :oops:

مشكوووور اخي فلسطيني
تقبل مروري